ek chait kee poonam thee
ki doodhiya shvet mere ishq ka ghoda
desh aur videsh mein vicharane chala…
saara shareer sach-sa shvet
aur shyaamakarn virahee rang ke…
ek svarnapatr usake mastak par
yah digvijay ghoda –
koee sabal hai to ise pakade aur jeete
aur jaise is yagy ka ek niyam hai
vah jahaan bhee thahara
mainne geet daan kiye
aur kaee jagah havan racha
so jo bhee jeetane ko aaya vah haara.
aaj umar kee avadhi chuk gaee hai
yah sahee-salaamat mere paas lauta hai,
par kaisee anahonee –
ki puny kee ichchha nahin,
na phal kee laalasa baaqee
yah doodhiya shvet mere ishq ka ghoda
maara nahin jaata – maara nahin jaata
bas sahee-salaamat rahe,
poora rahe!
mera ashvamedh yagy adhoora hai,
adhoora rahe!