loader image

naag panchamee – a poem by Amrita Pritam

mera badan ek puraana ped hai
aur tera ishq naagavanshee,
yugon se mere ped kee
ek khoh mein rahata hai.

naagon ka basera hee pedon ka sach hai
nahin to ye tahaniyaan aur baur-patte
deh ka bikharaav hota hai

yoon to bikharaav bhee pyaara
agar peele din jhadate hain
to hare din ugate hain
aur chhaatee ka andhera
jo bahut gaadha hai
vahaan bhee kaee baar phool jagate hain.

aur ped kee ek tahanee par,
jo bachchon ne peng daalee hai
vah bhee to deh kee raunaq

dekh is mittee kee barakat
main ped kee yoni mein aage se doonee hoon
par deh ke bikharaav mein se
mainne ghadee bhar vaqt nikaala hai

aur doodh kee katoree churaakar
tumhaaree deh poojane aayee hoon

yah tere aur mere badan ka puny hai
aur pedon ko nagee bil kee qasam hai
aur – baras baad
meree zindagee mein aaya
yah naag panchamee ka din hai…

Add Comment

By: Amrita Pritam

© 2023 Pothi | All Rights Reserved

Do not copy, Please support by sharing!