loader image

kitane din aur bache hain?

koee nahin jaanata ki
kitane din aur bache hain?

chonch mein daane dabae
apane ghonsale kee or
udatee chidiya kab sustaane baith jaegee
bijalee ke ek taar par aur
aalhaad se jhoolakar chhoo legee doosara taar bhee.

vanakhandee mein
aahista-aahista ek pagadandee paar karata
keeda aa jaega
sookhee lakadiyaan beenatee
budhiya kee phatee chappal ke tale.

rel ke injan se nikalatee
chingaaree tez hava mein udakar
chipak jaegee
ek daal par baithee prasann titalee se.

koee nahin jaanata ki
kinata samay aur bacha hai
prateeksha karane ka
ki prem aaega ek paiket mein daak se,
ki thodee der aur baaqee hai
katahal ka achaar khaane laayak hone mein,
ki prthvee ko phir ek baar
hara hone aur aakaash ko phir dayaalu aur
use phir vigalit hone mein
abhee thoda-sa samay aur hai.

dastak hogee daravaaze par
aur vah kahegee ki
chalo, tumhaara samay ho chuka.
koee nahin jaanata ki
kitana samay aur bacha hai,
mera ya tumhaara.

vah aaegee-
jaise aatee hai dhoop
jaise barasata hai megh
jaise khilakhilaatee hai
ek nanheen bachchee
jaise andhere mein bhayaatur hota hai
khaalee ghar.
vah aaegee zaroor,
par usake aane ke lie
kitane din aur bache hai
koee nahin jaanata.

Add Comment

By: Ashok Vajpayee

© 2023 Pothi | All Rights Reserved

Do not copy, Please support by sharing!