gulaabee surkh neelee sabz
mere paas har mausam kee sari hai
banaaras
aur kota silk kee
maisoor kee sari
divaalee, eed, holee kee shabe aashoor kee sari
dopatte jo chune the unakee chunnat bhee salaamat hai
kaha tha maan ne inako jald dhona mat
yoonhee gola banaakar inako rakhana ye ravaayat hai
puraane lakhanoo se jo liya kolhaapuree joota
kalaabattoo pe usake aab baaqee hai
firozaabaad kee choodee pe ab tak nukaraee meharaab baaqee hai
vo ik kashmeer vaalee shaal pashmeena
haraarat bakhshatee hai sard shaamon mein
ke jisaka naam naamon mein
chikan ke shokh kurte
aur jayapur kee vo chunaree baandhanee vaalee
chhupee hai jisake dhaagon mein puraanee dilakashee meree
unhee rangon
unhee jazbon mein ulajhee hai
zara see zindagee meree
mera chhota sa mekap baks
mere roop ko gulanaar karata hai
gulo gulazaar karata hai
suno!
mujhako darao mat!!
abhee se kaun marata hai??