kya husn hai yoosuf bhee khareedaar hai tera
kahate hain jise misr vo baazaar hai tera
taqadeer usee kee hai naseeba hai isee ka
jis aankh se kuchh vada-e-deedaar hai tera
ta-zeest na toote vo mira ahad-e-vafa hai
ta-hashr na poora ho vo iqaraar hai tera
barchhee kee tarah dil mein khatakatee hain adaen
andaaz jo qaatil dam-e-raftaar hai tera
kya too ne khilae chaman bazm mein kaifee
kya rang-e-gul afashaee-e-guftaar hai tera