loader image

pyaar – a poem by Doodhnath Singh

stabdh nihshabdata mein kaheen ek patta khadakata hai.
andhere kee khoh halachal ke pratham seemaant par chup–
muskuraatee hai.
roshanee kee sahamee huee phaank
pahaad ko taaza aur buland karatee hai.
ek nidar sannaata angadaiyaan leta hai.

hariyaalee aur barf ke beech
isee tarah shuroo karata hai– vah
apana komal aur khoonkhaar abhiyaan
jaise poore jangal mein hava ka pahala ahasaas
sarasaraata hai.

tabhee ek dhamaake ke saath
saara jangal dushman mein badal jaata hai
aur sab kuchh ka ant–ek lapat bharee uchhaal
aur cheekhatee huee dahaad mein hota hai.

daree huee chidiyon ka ek jhund
pattiyon ke bheetar tharatharaata hai
aur jangal phir apanee hariyaalee mein jhoom uthata hai.

pyaar

633

Add Comment

By: Doodhnath Singh

© 2023 Pothi | All Rights Reserved

Do not copy, Please support by sharing!