tumhaare paanv ke neeche koee zameen nahin
kamaal ye hai ki phir bhee tumhen yaqeen nahin
main bepanaah andheron ko subh kaise kahoon
main in nazaaron ka andha tamaashabeen nahin
teree zubaan hai jhoothee jmhooriyat kee tarah
too ek zaleel-see gaalee se behatareen nahin
tumheen se pyaar jataayen tumheen ko kha jaen
adeeb yon to siyaasee hain par kameen nahin
tujhe qasam hai khudee ko bahut halaak na kar
tu is masheen ka purza hai too masheen nahin
bahut mashahoor hai aaen zaroor aap yahaan
ye mulk dekhane laayaq to hai haseen nahin
zara-sa taur-tareeqon mein her-pher karo
tumhaare haath mein kaalar ho, aasteen nahin