ye jo shahateer hai palakon pe utha lo yaaro
ab koee aisa tareeka bhee nikaalo yaaro
darde-dil vaqt pe paigaam bhee pahunchaega
is qabootar ko zara pyaar se paalo yaaro
log haathon mein lie baithe hain apane pinjare
aaj saiyaad ko mahafil mein bula lo yaaro
aaj seevan ko udhedo to zara dekhenge
aaj sandook se vo khat to nikaalo yaaro
rahanumaon kee adaon pe fida hai duniya
is bahakatee huee duniya ko sanbhaalo yaaro
kaise aakaash mein sooraakh ho nahin sakata
ek patthar to tabeeyat se uchhaalo yaaro
log kahate the ki ye baat nahin kahane kee
tumane kah dee hai to kahane kee saza lo yaaro