juda the ham to mayassar theen qurbaten kitanee
baham hue to padee hain judaiyaan kya kya
khair dozakh mein may mile na mile
shaikh-saahab se jaan to chhutegee
minnat-e-chaara-saaz kaun kare
dard jab jaan-navaaz ho jae
ada-e-husn kee maasoomiyat ko kam kar de
gunaahagaar-e-nazar ko hijaab aata hai
gam-e-jahaan ho rukh-e-yaar ho ki dast-e-adoo
sulook jis se kiya ham ne aashiqaana kiya
tez hai aaj dard-e-dil saaqee
talkhee-e-may ko tez-tar kar de
phir nazar mein phool mahake dil mein phir shamen jaleen
phir tasavvur ne liya us bazm mein jaane ka naam
ham sahal-talab kaun se farahaad the lekin
ab shahar mein tere koee ham sa bhee kahaan hai
shaikh saahab se rasm-o-raah na kee
shukr hai zindagee tabaah na kee
har sada par lage hain kaan yahaan
dil sanbhaale raho zabaan kee tarah