main bahut dinon se bahut dinon se
bahut-bahut see baaten tumase chaah raha tha kahana
aur ki saath yon saath-saath
phir bahana bahana bahana
meghon kee aavaazon se
kuhare kee bhaashaon se
rangon ke udbhaason se jyon nabh ka kona-kona
hai bol raha dharatee se
jee khol raha dharatee se
tyon chaah raha kahana
upama sanketon se
roopak se, maun prateekon se
main bahut dinon se bahut-bahut-see baaten
tumase chaah raha tha kahana!
jaise maidaanon ko aasamaan,
kuhare kee meghon kee bhaasha tyaag
bichaara aasamaan kuchh
roop badalakar rang badalakar kahe.