us kee surat ka tasavvur dil mein jab laate hai ham
khud-ba-khud apane se hamadam aap ghabaraate hain ham
hosh gar rahata ho tujh ko ham se posheeda na rakh
jab vo yaan aata hai ai dil tab kahaan jaate hain ham
baithe baithe kyoon yakaayak hae dil khoya gaya
hamadam is ka kuchh sabab dhoonde nahin paate hain ham
khud-ba-khud kal shab ko vo bole utha munh se naqaab
jo na dekha ho kisee ne mujh ko, dikhalaate hain ham
be-sabab ho kar khafa jab kuchh sunaata hai vo shokh
jee hee jee mein apane upar hae jhunjhalaate hain ham
shaam ko saaqee kabhee aata hai gar tera khayaal
subh tak bhee hosh mein apane nahin aate hain ham
ham ne gam kya khaak khaaya gam ne ham ko kha liya
log ai hamadam samajhate hain ki gam khaate hain ham
jaam le kar mujh se vo kahata hai apane munh ko pher
roo-ba-roo yoon tere may peene se sharamaate hain ham
jo kalaam-e-ishq ye haragiz samajhata hee nahin
dil ko sau sau tarah gamageen hae samajhaate hain ham