loader image

amangal aacharan – apoem by Kaka Hathrasi

maat shaarade natamastak ho, kaaka kavi karata yah preyar
aisee bheeshan chale chakallas, bhaagen shrota tooten cheyar

vaak yuddh ke saath-saath ho, gutthamaguttha haataapaee
phoot jaayen do chaar khopadee, toot jaayen das bees kalaee

aaj shanishchar ka shaasan hai, mangal charan nahin dhar sakata
to phir tumheen batao kaise, main mangalaacharan kar sakata

is kaliyug ke liye ek aachaar sanhita naee bana do
kuchh sujhaav laaya hoon devee, inapar apanee muhar laga do

sarvottam vah sanstha jisamen paarteebandee aur phoot ho
kushal raajaneetigy vahee, jisakee rag–rag mein kapat jhooth ho

vah kaisa kavi jisane ab tak, koee kavita nahin churaee
bhondoo hai vah aphasar jisane, rishvat kee haandee na pakaee

rishvat dene mein sharamae, vah saramaedaar nahin hai
rishvat lene mein sharamae, usamen shishtaachaar nahin hai

vah kya neta ban sakata hai, jo chunaav mein kabhee na haare
kya daaktar vah maheene bhar mein, pandrah bees mareez na maare

kalaakaar vah ooncha hai jo, bana sake hastaakshar jaalee
imtahaan mein nakal kar sake, vahee chhaatr hai pratibhaashaalee

jisakee muththee mein satta hai, paarabrahm saakaar vahee hai
praja pise jisake shaasan mein, prajaatantr sarakaar vahee hai

manhagaee se peedit kaarmachaariyon ko karane do krandan
bade vade bhrashtaachaaree hain, unaka karavao abhinandan

karen pradarshan jo hadataalee, unapar laatheechaarj kara do
laathee se bhee nahin maren to, chooko mat, golee chalava do

lekhak se lekhak takarae, kavi ko kavi se hoot kara do
sabhaapati se aagya lekar, sanyojak ko shoot kara do

amangal aacharan

745

Add Comment

By: Kaka Hathrasi

© 2023 Pothi | All Rights Reserved

Do not copy, Please support by sharing!