taal talaiya
pokhar nadiya
saagar dharatee
sabake chehare par thee udaasee
sabake jeevan mein tha sookha
paanee ka pata poochh rahee thee machhalee
pata lekar pahunchee thee
paanee botal mein band tha
machhalee ke jeevan mein
aisa pahalee baar ho raha tha
botal kholane ka
rahasy nahin jaanatee thee machhalee
magar jaanane ko bechain thee
usakee bechainee
tadap mein badal chukee thee
machhalee ka tadapana
manushyon ke tadapane jaisa tha
machhalee itana jaan paayee
paanee ko botal mein band karane vaalon ke
rache gaye tilism mein band hai kaheen
paanee ko aazaad karaane ka rahasy
machhalee mahaj itana hee jaan paayee
tilism ko todane ka raaz
jinhe maaloom hai
ve tilism kee
paharedaaree kar rahe hain.