ab mulaaqaat huee hai to mulaaqaat rahe
na mulaaqaat thee jab tak ki mulaaqaat na thee
bandish-e-alfaaz jadane se nagon ke kam nahin
shairee bhee kaam hai aatish murassa-saaz ka
har shab shab-e-baraat hai har roz roz-e-id
sota hoon haath gardan-e-meena mein daal ke
safar hai shart musaafir-navaaz bahutere
hazaar-ha shajar-e-saaya-daar raah mein hai
mehandee lagaane ka jo khayaal aaya aap ko
sookhe hue darakht hina ke hare hue
jo dekhate tiree zanjeer-e-zulf ka aalam
aseer hone kee aazaad aarazoo karate
ilaahee ek dil kis kis ko doon main
hazaaron but hain yaan hindostaan hai
aafat-e-jaan huee us roo-e-kitaabee kee yaad
raas aaya na mujhe haafiz-e-quraan hona
aasamaan aur zameen ka hai tafaavut har-chand
ai sanam door hee se chaand sa mukhada dikhala
ye dil lagaane mein main ne maza uthaaya hai
mila na dost to dushman se ittihaad kiya