loader image

kya bhaasha ‌aurat hai?

kaagaj ke bistar par
kisee kalamadhaaree ke saamane
bhaasha
teen tarah se
apane kapade utaaratee hai.

jab bhaasha
ek vaishya kee tarah
apane kapade utaaratee hai
to
yaar ko
vaasana kee bhattee mein
jhaunkakar
usaka saara ras kas choos letee hai
aur
kisee naalee ke ghinone keechad mein
ek chhilake kee tarah
sadane ko phaink detee hai.
us samay kalam dhaaree
kavita nahin karata
kay karata hai
gandagee karata hai.
aisee kavita use dhan nahin detee
yash nahin detee
haan chauraahon par charchit karatee hai.
vah
kavita ishtahaar aur jhanda bana detee hai ‌
aur
kavi ko
lophar aur gunda bana detee hai.

jab bhaasha
ek patnee kee tarah
apane kapade utaaratee hai
to
apanee asmita pati ko saump kar
usake astitv ko apane bheetar
beej kee tarah utaar letee hai
aur ankur kee tarah paida karatee hai
peedhiyon tak phool detee hai,
phal detee hai,
agalee phasal ke lie beej detee hai
us samay kalam dhaaree
donon haathon se bahee chaupade likhata hai
aur takasaal ugalata hai
aisee kavita use yash nahin detee
harsh bhee nahin detee
haan khoob dhan detee hai.
vah
kavita ko dhandha aur vyaapaar bana detee hai,
aur kavi ko
seth saahookaar bana detee hai.

lekin
jab bhaasha
maa kee tarah kapade utaaratee hai
to naalee mein pade apane bete ko
seene se lagaatee hai,
choomatee hai, dulaaratee hai,
sajaatee hai, sanvaaratee hai.
apana meetha astitv pilaakar
murde mein bhee mamata utaaratee hai.
us samay maa
nangee hokar bhee
nangee najar nahin aatee
beta nanga hokar bhee
nanga nahin deekhata.
us samay
vah kavita nahin likhata
kavita use likhatee hai
aisee kavita use dhan nahin detee
saadhan nahin detee
haan, dhany kar detee hai.
shaashvat yash se kavi kee
jholee bhar detee hai
vah
kavita ko richa ka manntr bana detee hai
‌aur
kavi ko
rishi kee tarah svatantr bana detee hai.

bhaasha sachamuch aurat hai
ab tum chaahe usase
vyabhichaar karo
chaahe dulaar karo
bhaasha aurat hai
ab tum chaahe use
gaalee kee tarah suno sunao
chaahe chek kee tarah bhunao
chaahe mantr kee tarah guno gunagunao
bhaasha ‌aurat hai.

693
By: Kishor Kabra

© 2022 Pothi | All Rights Reserved

Do not copy, Please support by sharing!