loader image

jazbaat – a nazm by Lala Anoop Chand

gam kee chha jaegee duniya mein ghata mere bad
aur barasenge bahut teer-e-bala mere bad

dekhana hashr kya hota hai ki jab aaegee
dar-o-deevaar se rone kee sada mere bad

bijaliyaan chamakengee aalaam-o-masaib kee agar
gam kee chal jaegee har samt hava mere bad

apanee thokar se miree qabr ko dhaaya aa kar
zulm ye aur bhee zaalim ne kiya mere bad

aaj dil khol ke tum zulm-o-sitam kar daalo
phir chalaoge kahaan teg-e-jafa mere bad

meree soorat se bhee chidh ho gaee paida jin ko
khoon rulaegee unhen meree vafa mere bad

haath se apane mitaane pe tule ho lekin
kaun bhugatega mohabbat kee saza mere bad

khud hee pachhataoge duniya se mita kar mujh ko
tum ko bedaad ka aaega maza mere bad

apane beemaar-e-mohabbat ko na tadapao tum
phir dikha lena unhen naaz-o-ada mere bad

vo bahaane lage aankhon se lahoo ke aansoo
rang le aaee hai ye meree vafa mere bad

aaftaab aaj mohabbat ne asar dikhalaaya
un ke seene mein bhee ab dard utha mere bad

jazbaat 

532

Add Comment

© 2023 Pothi | All Rights Reserved

Do not copy, Please support by sharing!