kuchh ho rahega ishq-o-havas mein bhee imtiyaaz
aaya hai ab mizaaj tira imtihaan par
qaba-e-laala-o-gul mein jhalak rahee thee khizaan
bharee bahaar mein roya kie bahaar ko ham
husn tha tera bahut aalam-fareb
khat ke aane par bhee ik aalam raha
ye fann-e-ishq hai aave use teenat mein jis kee ho
too zaahid peer-e-naabaalig hai be-tah tujh ko kya aave
raat to saaree gaee sunate pareshaan-goee
mir-jee koee ghadee tum bhee to aaraam karo
sada ham to khoe gae se rahe
kabhoo aap mein tum ne paaya hamen
kaifiyyaten attaar ke launde mein bahut theen
is nuskhe kee koee na rahee haif dava yaad
us pe takiya kiya to tha lekin
raat din ham the aur bistar tha
ve din gae ki aankhen dariya see bahatiyaan theen
sookha pada hai ab to muddat se ye do-aaba
kharaab rahate the masjid ke aage may-khaane
nigaah-e-mast ne saaqee kee intiqaam liya