loader image

tat par – a poem by Nirala

nav vasant karata tha van kee sair
jab kisee ksheen-kati tatinee ke tat
tarunee ne rakkhe the apane pair.
nahaane ko sari vah aaee thee,
saath vasantee rang kee, chunee huee, sari laee thee.

kaanp rahee thee vaayu, preeti kee pratham raat kee
navaagata, par priyatam-kar-patita-see
premamayee, par neerav aparichita-see.
kiran-baalikaen laharon se
khel raheen theen apane hee man se, paharon se.

khadee door saaras kee sundar jodee,
kya jaane kya kya kah kar donon ne greeva modee.
rakkhee sari shila-khand par
jyon tyaaga koee gaurav-var.
dekh chaturdik, sarita mein
utaree tiryagdrg, avichal-chit.

nagn baahuon se uchhaalatee neer,
tarangon mein doobe do kumudon par
hansata tha ek kalaadhar,*—
rturaaj door se dekh use hota tha adhik adheer.

viyog se nadee-hrday kampit kar,
tat par sajal-charan-rekhaen nij ankit kar,
kesh-gaar jal-sikt, chalee vah dheere dheere
shila-khand kee or,
nav vasant kaanpa patron mein,
dekh drgon kee kor.

ang-ang mein nav yauvan uchchhshrrnkhal,
kintu bandha laavany-paash se
namr sahaas achanchal.

jhukee huee kal kunchit ek jhalak lalaat par,
badhee huee jyon priya sneh ke khadee baat par.

vaayu sevika-see aakar
ponchhe yugal uroj, baahu, madhuraadhar.
tarunee ne sab or
dekh, mand hans, chhipa liye ve unnat peen uroj,
utha kar shushk vasan ka chhor.

moorchchhit vasant patron par;
taru se vrntachyut kuchh phool
gire us tarunee ke charanon par.

mahaakavi shree raveendranaath thaakur kee ’vijayinee’ se

698

Add Comment

© 2023 Pothi | All Rights Reserved

Do not copy, Please support by sharing!