pyaare darshako, yah jo stree aap dekhate hain so meree stree hai
isakee mujhase preeti hai. par yah bhee mere lie ek vidambana hai
kyonki mujhe isakee preeti itanee pyaaree nahin
jitanee yah maanatee hai ki hai. yah sundar hai manohaaree nahin,
madhur hai, par matavaalee nahin, phurteelee hai, par chapala nahin
aur buddhimatee hai par chanchala nahin. dekho yahee meree stree hai
aur isee ke sang mera itana jeevan beeta hai. aur
isee ke kaaran abhee tak main sukhee tha.
sach poochhie to koee bahut sukhee nahin tha. par dukhiya
raaja ne dekha ki main sukhee hoon so usane man mein thaanee
ki mere sukh ka kaaran na rahe to main sukhee na rahoon.
usaka aadesh hai ki main isakee hatya kar isako mita
daaloon. yah nirdosh hai anajaan bhee. yah
nahin jaanatee ki isaka jeevan ab aur adhik
nahin. dekho, kitane utsaah se yah meree or aatee hai.
Closeclose