loader image

chal rahee usakee kudaalee

haath hain donon sadhe-se
geet praanon ke roondhe-se
aur usakee mooth mein, vishvaas
jeevan ke bandhe-se

dhakadhakaatee dharani thar-thar
ugalata angaar ambar
bhun rahe taluve, tapasvee-sa
khada vah aaj tanakar

shoony-sa man, choor hai tan
par na jaata vaar khaalee
chal rahee usakee kudaalee

(2)

vah sukhaata khoon par-hit
vaah re saahas apirimat
yugayugon se vah khada hai
vishv-vaibhav se apirichat

jal raha sansaar dhoo-dhoo
kar raha vah vaar kah “hoon”
saath mein samavedana ke
sved-kan padate kabhee choo

kaun-sa laalach? dhara kee
shushk chhaatee phaad daalee
chal rahee usakee kudaalee

(3)

lahalahaate door taroo-gan
le rahe aashray pathik jan
sabhy shisht samaaj khas kee
madhurima mein hain magan man

sab sarasata rakh kinaare
bheem shyaam shareer dhaare
khodata til-til dhara vah
kis shubhaasha ke sahaare?

kis suvarn bhavishy ke hit
yah javaanee bech daalee?
chal rahee usakee kudaalee

(4)

shaant susthir ho gaya vah
kya svayan mein kho gaya vah
haanph kar phir ponchh mastak
ekatak-sa rah gaya vah

aa rahee vah khol jhonta
ek putalee, ek lota
thoonk suratee ponchh daala
sheeghr apana honth motha

ek kshan pichake kapolon mein
gaee kuchh daud laalee
chal rahee usakee kudaalee

(5)

baith ja too kyon khadee hai
kyon nazar teree gadee hai
aah sukhiya, aaj kee rotee
banee meethee badee hai

kya milaaya saty kah ree?
bol kya ho gaee baharee?
dekhana, bhagavaan chaahega
ugegee khoob junharee

phir mila ham non-mirachee
bhar sakenge pet khaalee
chal rahee usakee kudaalee

(6)

aankh usane bhee uthaee
kuchh tanee, kuchh musakaraee
ro raha hoga lakhanava
bhookh se, kah badabadaee

hans diya de ek hoontha
thee banaavat, tha na rootha
yaad aaee kaam kee, pakada
kudaalee, kaashth-mootha

khapp-khap chalane lagee
chir-sanginee kee hod vaalee
chal rahee usakee kudaalee

(7)

bhoomi se ran than gaya hai
vaksh usaka tan gaya hai
sochata main, dev athava
yantr maanav ban gaya hai

shakti par socho zara to
khodata saaree dhara jo
baahubal se kar raha hai
is dharani ko uvarra jo
laal aankhen, khoon paanee
yah pralay kee hee nishaanee
netr apana teesara kya
kholane kee aaj thaanee

kya gaya vah jaan
shoshak-varg kee karatoot kaalee
chal rahee usakee kudaalee

857

Add Comment

© 2023 Pothi | All Rights Reserved

Do not copy, Please support by sharing!