loader image

jeevan-phool – a poem by Subhadra Kumari Chauhan

mere bhole moorkh hrday ne
kabhee na is par kiya vichaar.
vidhi ne likhee bhaal par mere
sukh kee ghadiyaan do hee chaar.

chhalatee rahee sada hee
mrgatrshna see aasha matavaalee.
sada lubhaaya jeevan saakee ne
dikhala reetee pyaalee.

meree kalit kaamanaon kee
lalit laalasaon kee dhool.
aankhon ke aage ud-ud karatee hai
vyathit hrday mein shool.

un charanon kee bhakti-bhaavana
mere lie huee aparaadh.
kabhee na pooree huee abhaage
jeevan kee bholee see saadh.

meree ek-ek abhilaasha
ka kaisa hraas hua.
mere prakhar pavitr prem ka
kis prakaar upahaas hua.

mujhe na dukh hai
jo kuchh hota ho usako ho jaane do.
nithur niraasha ke jhonkon ko
manamaanee kar jaane do.

he vidhi itanee daya dikhaana
meree ichchha ke anukool.
unake hee charanon par
bikhara dena mera jeevan-phool.

596

Add Comment

© 2023 Pothi | All Rights Reserved

Do not copy, Please support by sharing!