srshti
mittee ka gahara andhakaar
dooba hai usamen ek beej,–
vah kho na gaya, mittee na bana,
kodon, sarason se kshudr cheej!
us chhote ur mein chhipe hue
hain daal-paat au’ skandh-mool,
gaharee hareetima kee sansrti,
bahu roop-rang, phal aur phool!
vah hai mutthee mein band kie
vat ke paadap ka mahaakaar,
sansaar ek! aashchary ek!
vah ek boond, saagar apaar!
bandee usamen jeevan-ankur
jo tod nikhil jag ke bandhan,–
paane ko hai nij satv,–mukti!
jad nidra se jag kar chetan!
aah, bhed na saka srjan-rahasy
koee bhee! vah jo kshudr pot,
usamen anant ka hai nivaas,
vah jag-jeevan se ot-prot!
mittee ka gahara andhakaar,
soya hai usamen ek beej,–
usaka prakaash usake bheetar,
vah amar putr, vah tuchchh cheej?