husool-e-rizq ke aramaan nikaalate guzaree
hayaat ret se sikke hee dhaalate guzaree
musaafirat kee saoobat mein umr beet gaee
bachee to paanv se kaante nikaalate guzaree
hava ne jashn manae vo intizaar kee raat
charaag-e-hujara-e-phurqat sanbhaalate guzaree
vo tez lahar to haathon se le gaee kashtee
phir us ke bad samundar khangaalate guzaree
rasaee jis kee na thee be-karaan samundar tak
vo mauj-e-nahar bhee chheente uchhaalate guzaree
yahee nahin ki sitaare the dastaras se baeed
zara zara se tamanna bhee taalate guzaree
tamaam umr tasavvur rida-e-bakht-e-siyaah
mashaqqaton ke lahoo se ujaalate guzaree