talkh shikave lab-e-sheereen se maza dete hain
ghol kar shahad mein vo zahar pila dete hain
yoon to hote hain mohabbat mein junoon ke aasaar
aur kuchh log bhee deevaana bana dete hain
parda utthe ki na utthe magar ai parda-nasheen
aaj ham rasm-e-takalluf ko utha dete hain
aate jaate nahin kambakht payaamee un tak
jhoote sachche yoonhee paigaam suna dete hain
vae taqadeer ki vo khat mujhe likh likh ke zaheer
meree taqadeer ke likkhe ko mita dete hain
