ab ke ham bichhade to shaayad kabhee khvaabon mein milen
jis tarah sookhe hue phool kitaabon mein milen
dhoondh ujade hue logon mein vafa ke motee
ye khazaane tujhe mumakin hai kharaabon mein milen
gam-e-duniya bhee gam-e-yaar mein shaamil kar lo
nashsha badhata hai sharaaben, jo sharaabon mein milen
too khuda hai na mira ishq farishton jaisa
donon insaan hain to kyoon itane hijaabon mein milen
aaj ham daar pe kheenche gae jin baaton par
kya ajab kal vo zamaane ko nisaabon mein milen
ab na vo main, na vo too hai, na vo maazee hai ‘faraaz’
jaise do shakhs tamanna ke saraabon mein milen