har phool pe us shakhs ko patthar the chalaane
ashkon se har ik barg ko bharana tha hamen bhee
ham pee bhee gae aur salaamat bhee hain ambar
paanee kee har ik boond mein heere kee kanee thee
ek sannaata bichha hai is jahaan mein har taraf
aasamaan-dar-aasamaan-dar-aasamaan kyoon rat-jage hain
ek saahir kabhee guzara tha idhar se ambar
ja-e-hairat ki sabhee us ke asar mein hain abhee
soop ke daane kabootar chug raha tha aur vo
sehan ko mahaka rahee thee sunnaten padhate hue
gae the ham bhee bahar kee tahon mein jhoomate hue
har ek seep ke labon mein sirf regazaar tha
roz ham jalatee huee ret pe chalate hee na the
ham ne sae mein khajooron ke bhee aaraam kiya
us ne har zarre ko tilism-aabaad kiya
haath hamaare lagee faqat hairaanee hai
Page: 1 2