loader image

odhanee – a poem by Anamika

maitrik ke imtihaan ke baad
seekhee thee dulhan ne phulakaaree!
dahej kee chaadaron par
maan ne kadhavae the
tarah-tarah ke bel-boote,
takie ke kholon par ‘gudalak’ kadhavaaya tha!
kaun maan nahin jaanatee, jee, zaroorat
duniya mein ‘gudalak’ kee!

aur usake baad?
ek tha raaja, ek thee raanee
aur ek thee odhanee-
laal odhanee phooladaar!

aur usake baad?
ek tha raaja, ek thee raanee
aur ek khatam kahaanee!
dulhan kee katee-phatee peshaanee
aur odhanee khoonam-khoon!

apane vajood kee maatee se
dhotee thee roz ise dulhan
aur godee mein bichhaakar sukhaatee thee
sochatee-see yah chupachaap-
taar-taar is odhanee se
kya vah kabhee ponchh paegee
khoonkhaar cheharon kee khoonkhaarita
aur mail dilon ka?

ghar ka na ghaat ka-
usaka dupatta
laharaata tha aasamaanon par-
‘gagan mein gaib nisaan udai’ kee dhun par-
aahista-aahista!

Add Comment

By: Anamika

© 2023 Pothi | All Rights Reserved

Do not copy, Please support by sharing!