loader image

bhaagee huee ladakiyon ke ghar

vo ladakiyaan jinake ghar chhoot gaye
jinhonne ghar chhod diya
ya jo ladakiyaan bhaag gaeen
vyavasthaon mein dhalane ke inakaar ke saath

aisee ladakiyon ko soongh-soongh kar khoja gaya
prthvee ke antim chhor se bhee
aur dafan kar diya
mittee mein mittee kee tarah

unake bhaagane kee vajah har baar prem hee
nahin raha
magar har baar badanaamee ek hee tarah kee huee
bhaagane mein

khair jo ladakiyaan bach gaeen
hatyaon aur aatmahatyaon ke shadayantr ke baavajood
prthvee kee paraton mein chhipee rahatee hain jeevit
apanee khud kee hee jimmedaaree liye
suraksha sunishchit karatee huee

unake chhoote hue gharon mein
bikharee padee hain unakee jeevant yaaden
sabhyataon ke avasheshon kee tarah
magar ghar ke aangan soone hain
unake haad-maasan ke jeevan ke bina

ghar kee auraten, chupachaap chhupaatee phiratee hain
ghar ke soonepan ko
apane dil kee gaharaiyon mein
sanhaar kee uphanatee huee bhaavanaon ke dar se

ghar ke purush, baar-baar bhulaate hain unake dvaara
pyaar se pukaare hue sambodhanon ko
jo abhee bhee ghar kiye hue
man ke kisee kaune mein
ve banae rakhate hain chattaanon-sa
apane insaanee dilon ko
jhoothe saamoohik pradarshan ke lie

padosiyon kee chugaliyon mein abhee bhee taaza hain
un javaan ladakiyon ke shareer,
unake dussaahas, unakee chunautiyaan
ve yaad dila dete hain
aksar aankhon se hee
vo tamaam chetaavaniyaan
jo vo har baar dete the
ladakiyon ke parijanon ko

prthvee kee paraton mein jinda ladakiyaan
yaad karatee hain chhootee huee jagah ko
un jagahon mein jie ja chuke jeevan ko
sambhaale hue apane sukh-duhkh
dhokhe, prem, peedaen

aise hee, jaise sambhaalatee hain
auraten kaalaantar se nirantar
zinda rahane ke jokhim uthaate hue…

Add Comment

By: Anuradha Ananya

© 2022 Pothi | All Rights Reserved

Do not copy, Please support by sharing!