ruk ruk o tenis ke balle,
jeevan chalata nahin ikalle!
are anaadee,
chala raha too bahut dinon se
bina dhuree ke apanee gaadee!
o magaruree!
gaanth baandh le,
is jeevan mein gaanth baandhana
shaadee karana
bahut zarooree.
ye jeevan to hai taist maich,
jisamen ki chaahie
baist maich.
pahalee bol kisee kaaran se
yadi no bol ho gaee pyaare!
mat ghabara re!
o gud gobar!
bacha hua hai poora ovar.
bol doosaree maar lapak ke,
vikit gira de
palak jhapak ke.
pyaare bachche!
maana toone pratham prem mein
khae gachche.
to isase kya!
kabhee nahin karavaega bya?
are nikhattoo!
bina dor ke baudam lattoo!
lattoo ho ja kisee aur par
sheeghr chhaant le doojee kanya,
maan khush hogee
jab aaegee usake ghar mein
ek laadalee jeevan dhanya.
are abhaage!
batala kyon shaadee se bhaage?
ekaakee rasta shoolon ka,
shaadee hai bandhan phoolon ka.
sirf ek sur se
raag nahin banata,
sirf ek ped se
baag nahin banata.
stree-purush brahm kee maaya
in donon mein jeevan samaaya.
sukh le moorakh!
stree-purush paraspar poorak.
akal ke dhakkan!
paas rakha hai tere makkhan.
khud ko chhod zara-sa dheela,
kar le maakhan choree leela.
chhoree bhee hai, doree bhee hai
kah de to pandit bulavaoon,
teree saptapadee phiravaoon?
are mavaalee!
mere upadeshon ko sunakar
andar se mat dena gaalee.
is baat mein bada marm hai, ki grhasth hee
sabase bada dharm hai.
ye bataane ke lie
teree maan se
rishvat nahin khaayee hai,
aur na ye samajhana
ki is ritaaryad adhyaapak ne
apanee or se banaayee hai.
ye baat hai bahut puraanee,
jisako kah gae hain
bade-bade sant
bade-bade gyaanee.
o agyaanee!
bahut bura hoga agar toone
meree baat nahin maanee!
chaand udhar poonam ka dekha
idhar machalane lage javaanee,
chaand agar sir par chadh jae
haay budhaape teree nishaanee!
murajhae phoolon ke gamale!
bhaag na mujhase thoda tham le!
bun le thode khvaab rupahale,
byaah racha le
ganja ho jaane se pahale.
bahan jee! niraash na hon
ye ek din
apana iraada zaroor badalega,
zaroor badalega.
jaise cheentiyaan chattaan par
chhod jaatee hain leek,
jaise kuen kee rassee
patthar ko kar letee hai
apane lie theek!
aise hee
isaka atal nirnay bhee badalega
kavitaen sun-sunakar
patthar dil zaroor pighalega.
dont varee!
Manohara ko vivaha – prerana