jo barason tak sade jel mein

jo barason tak sade jel mein, unakee yaad karen.
jo phaansee par chadhe khel mein, unakee yaad karen.
yaad karen kaala paanee ko,
angrejon kee manamaanee ko,
kolhoo mein jut tel perate,
saavarakar se balidaanee ko.
yaad karen bahare shaasan ko,
bam se tharraate aasan ko,
bhagatasinh, sukhadev, raajaguroo
ke aatmotsarg paavan ko.
anyaayee se lade,
daya kee mat phariyaad karen.
unakee yaad karen.
balidaanon kee bela aaee,
lokatantr de raha duhaee,
svaabhimaan se vahee jiyega
jisase keemat gaee chukaee
mukti maangatee shakti sangathit,
yukti susangat, bhakti akampit,
krti tejasvee, ghrti himagiri-see
mukti maangatee gati apratihat.
antim vijay sunishchit, path mein
kyon avasaad karen?
unakee yaad karen.