loader image

pandrah agast kee pukaar

pandrah agast ka din kahata:
aazaadee abhee adhooree hai.
sapane sach hone baakee hai,
raavee kee shapath na pooree hai.

jinakee laashon par pag dhar kar
aazaadee bhaarat mein aaee,
ve ab tak hain khaanaabadosh
gam kee kaalee badalee chhaee.

kalakatte ke phutapaathon par
jo aandhee-paanee sahate hain.
unase poochho, pandrah agast ke
baare mein kya kahate hain.

hindoo ke naate unaka du:kh
sunate yadi tumhen laaj aatee.
to seema ke us paar chalo
sabhyata jahaan kuchalee jaatee.

insaan jahaan becha jaata,
eemaan khareeda jaata hai.
islaam sisakiyaan bharata hai,
daalar man mein muskaata hai.

bhookhon ko golee nangon ko
hathiyaar pinhae jaate hain.
sookhe kanthon se jehaadee
naare lagavae jaate hain.

laahaur, karaachee, dhaaka par
maatam kee hai kaalee chhaaya.
pakhtoonon par, gilagit par hai
gamageen gulaamee ka saaya.

bas iseelie to kahata hoon
aazaadee abhee adhooree hai.
kaise ullaas manaoon main?
thode din kee majabooree hai.

din door nahin khandit bhaarat ko
pun: akhand banaenge.
gilagit se gaaro parvat tak
aazaadee parv manaenge.

us svarn divas ke lie aaj se
kamar kasen balidaan karen.
jo paaya usamen kho na jaen,
jo khoya usaka dhyaan karen.

666

Add Comment

By: Atal Bihari Vajpayee

© 2022 Pothi | All Rights Reserved

Do not copy, Please support by sharing!