hain janm lete jagah mein ek hee,
ek hee paudha unhen hai paalata
raat mein un par chamakata chaand bhee,
ek hee see chaandanee hai daalata.
meh un par hai barasata ek sa,
ek see un par havaen hain bahee
par sada hee yah dikhaata hai hamen,
dhang unake ek se hote nahin.
chhedakar kaanta kisee kee ungaliyaan,
phaad deta hai kisee ka var vasan
pyaar-doobee titaliyon ka par katar,
bhanvar ka hai bhed deta shyaam tan.
phool lekar titaliyon ko god mein
bhanvar ko apana anootha ras pila,
nij sugandhon aur niraale dhang se
hai sada deta kalee ka jee khila.
hai khatakata ek sabakee aankh mein
doosara hai sohata sur sheesh par,
kis tarah kul kee badaee kaam de
jo kisee mein ho badappan kee kasar.