loader image

aaya nahin hoon – a poem by Balbir Singh ‘Rang’

na chhedo mujhe main sataaya gaya hoon .
hansaate-hansaate roolaaya gaya hoon .

satae hue ko sataana bura hai,
trshit kee trsha ko badhaana bura hai,
viphal yaachana kee akarmanyata par-
abhay-daan ka muskuraana bura hai .
karoon baat kya daan ya bheekh kee main,
sanjoya nahin hoon, lutaaya gaya hoon .
na chhedo mujhe….

na sveekaar mujhako niyantran kisee ka,
asveekaar kab hai nimantran kisee ka,
mukhar pyaar ke maun vaataavaran mein-
akharata anokha samarpan kisee ka .
prakrti ke patal par niyati toolika se,
adhoora bana kar, mitaaya gaya hoon !

kshitij par dhara vyom se nity milatee,
sada chaandanee mein chakoree nikalatee,
timir yadi na aahvaan karata prabha ka-
kabhee raat bhar deep kee lau na jalatee .
karo vyangy mat vyarth mere milan par,
main aaya nahin hoon, bulaaya gaya hoon .

Add Comment

By: Balbir Singh Rang

© 2022 Pothi | All Rights Reserved

Do not copy, Please support by sharing!