loader image

azal ta abad – a nazm by Bashar Nawaz

ufuq-ta-ufuq ye dhundalake ka aalam
ye had-e-nazar tak
nam-aalood see ret ka narm qaaleen ki jis par
samundar kee chanchal javaan betiyon ne
kisee naqsh-e-pa ko bhee na chhoda
faza apane daaman mein bojhal khamoshee samete hai lekin
machalatee huee mast laharon ke honton pe nagma hai raqsaan
ye nagma suna tha mujhe yaad aata nahin kab
magar haan
bas ehasaas hai ik qadar qarn-ha qarn pahale
ki ginana bhee chaahe to koee jinhen gin na pae
bhala reg-saahil ke phaile hue nanhe zarron ko koee kahaan tak gine
machalatee huee mast laharon ko saahil se chhootane ka gam hee nahin hai
vida-e-sukoon jaise koee sitam hee nahin hai
jis qarn-ha qarn pahale bhee main ne suna tha
jise log sooraj ke bujhane talak yoonhee sunate rahenge

azal ta abad 

Add Comment

By: Bashar Nawaz

© 2023 Pothi | All Rights Reserved

Do not copy, Please support by sharing!