le uda rang falak jalva-e-ranaee ka
aks hai qaus-e-quzah mein tiree angadaee ka
is qadar naaz hai kyoon aap ko yakataee par
doosara naam hai ye bhee miree tanhaee ka
ajab andaaz se kuchh mohar-e-khamoshee tootee
vasf paida hua tasveer mein goyaee ka
khul raha hai tiree rahamat kee badaulat varna
kaun tha dekhane vaala gul-e-saharaee ka
ho gaee mere gunaahon kee siyaahee maqbool
sang-e-asavad pe chadha rang jabeen-saee ka
soorat-e-yaas se aaeena-e-hairat ho kar
dekhate rah gae chehara vo tamannaee ka
be-khudee dekh ke meree sar-e-mahafil poochha
naam mashahoor hai kaifee isee sahabaee ka