ek
mainne tumhen apanee baanhon mein nishchit sote hue dekha hai.
jab vah mani mujhase chheen lee gaee
meree aankhon se roshanee ban tumheen tapak rahee theen—
yah dikhaane ke lie ki main sach mein kitana akela hoon.
ek din ghane andhakaar mein se apane peele haath nikaalakar
tumane tez naakhoonon se mera chehara kharonch diya
vah mera janmadin tha—
satrah aktoobar san unnees sau…
jab mainne tumhaaree aahat sunee thee.
apane chehare kee kaalee kharaashon mein tabhee se
main tumhen dekh raha hoon.
tum mere prati bahut sahaanubhootisheel rahee ho—
jab meree nason mein khoon ainth gaya hai,
jab mere haathon par motee-motee nasen nikal aaee hain,
jab bhee main gahan dukh se abhibhoot hua hoon—
tumhen mera chehara bahut khoobasoorat lagata raha hai
aur tumane karuna-vigalit ho ‘chch-chch’ kiya hai.
jab bhee koee din ateet hua hai
shaam ko meharaabon mein mere lie intazaar mein tum baithee rahee ho.
do
aadamiyon ke jangal mein letee huee kitanee udaas ho tum!
(yah tumhen kya ho gaya hai!)
mainne mahaakaavyon kee aankhon mein tumhen takatakee baandhe hue dekha hai.
vedon kee rchaon aur buddh ke upadeshon
aur niraala kee kavitaon mein mainne
post ke phool kee tarah tumhen soongha hai.
mainne tumhen alee akabar khaan ke sarod par suna hai.
mainne ek shahar ke ‘chup’ se doosare shahar ke
‘chup’ mein utarate hue tumhen dekha hai.
mainne striyon ke vakshojon par tumhen bhaanp liya hai.
mainne aasamaan ke alikhit, andhakaaramay gumbadon se
tumhen tootate hue dekha hai.
aadamiyon ke jangal mein letee huee kitanee udaas ho tum!
mainne tumhaare saath—kitanee baar—shataabdiyon kee
sharaab pee hai (aur but pada raha hoon).
mainne gahare pyaar mein tumhen, chup, apana kaam karate hue dekha hai.
mainne gahan aalingan ke beech tumhen rengate hue mahasoos kiya hai.
mainne prabhu ke kandhon par dheeth bandariya kee tarah
tumhen baithe hue dekha hai.
mainne tumhaare saath kitanee bevafa yaatraen kee hain.
mainne khulee qabron ke munh se aag bhabhakaate hue tumhen dekha hai.
mainne bachchon kee ajanabee asveekrti mein jhela hai tumhen.
mainne aspataal kee gailariyon mein jhanajhanaate hue suna hai tumhen.
mainne inasaan kee maree huee khopadee mein
deepak baalate hue dekha hai tumhen.
mainne tumhen maut kee gufaon mein lete hue paaya hai.
mainne badee-badee aankhon ke
aaeenon mein muskuraate hue tumhen dekha hai.
mainne siddhon kee aatma mein sendh lagaate hue tumhen pakada hai.
mainne ret mein panapate hue dekha hai tumhen.
mainne doston kee komal hatheliyon mein tumhen sparsh kiya hai.
mainne arthee par bandhee huee laashon ke oopar
tumhen chhaaya kee tarah sarakate dekha hai.
mainne garbhasth shishu kee kanpakanpee mein chhua hai tumhen.
main tumhaare haathon kitanee baar qatl hua hoon;
aur chupachaap jeevit pada raha hoon.
teen
saare sambandhon ke tootane ke baad
tumane mere kandhon par dheeme se haath rakh diya hai
main tumhaara itana krtagy hoon ki kuchh nahin kahata.
jab-jab mainne kaha hai, ‘kya tum bologee nahin?’
suvidha ke lie tumane apana mukh pher liya hai.
chaar
ab tum bahut badal gaee ho—
tumhaare baalon mein chaandee pad rahee hai;
tumhaaree baanhon ka ghera kandhon ke paas se chauda ho gaya hai;
tumhaare udar kee tvacha motee ho gaee hai.
tum kitanee umr-daraaz lagatee ho… phir bhee
tumhaaree lokapriyata din-doonee raat-chaugunee badhatee ja rahee hai.
tum akhabaaron mein chhap rahee ho
sabhaon mein paarit ho rahee ho
sansad-bhavanon mein tahal rahee ho
dukaanon mein bik rahee ho
dimaagon mein bhatak rahee ho.
tum faiktariyon mein taraashee ja rahee ho.
tumhaara shilaanyaas ho raha hai
dillee, nyooyaaairk aur masakva mein
tumhaare sangamaramaree ‘stechyoo’ lagae ja rahe hain.
har vaigyaanik eejaad mein saans le rahee ho tum…
javaan ho rahee ho.
antatah tum kitanee naee ho! aur kitanee khoobasoorat
tumane saare bhavishy ka jeevan-beema kara liya hai…
paanch
main hoon—
tumhaare lie kavi ho gaya hoon;
tum ho—
sabhyataavash mujhe kafan odhaane ke lie
khadee ho.
kroorata