loader image

o, naaree! – a poem by Doodhnath Singh

main tumhaaree peeth par baitha hua ghaav hoon
jo tumhen dikhega nahin
main tumhaaree komal kalaee par ugee huee dhoop hoon
atirikt ujaala–-zaroorat nahin jisakee
main tumhaaree thodhee ke bilkul paas
chupachaap soya hua bharam hoon saanvala
marm hoon darpan mein amoort hua
uparala honth hoon khulata hansee kee pankhuriyon mein
ek barabas jhaankate motee ke darshan karaata
kaanon mein bajata hua chumban hoon
ungaliyon kee aanch hoon
lapat hoon tumhaaree
vajraasan tumhaara hoon prithvee par
tapata jhanajhanaata kshatigrast
maatrtv hoon tumhaara
hichakole letee hansee hoon tumhaaree
parda hoon bandha hua
huk hoon peeth par
dukh hoon sadha hua
amrt-ghat rahat hoon
baahar uleech raha saara
sukh hoon tumhaara
gaurav hoon raurav hoon
karun-kathin dinon ka
garbh hoon gira hua
devata-daity hoon naashavaan
marty asansaaree dhun hoon
anasunee. neend hoon
tumhaaree
o, naaree!

655

Add Comment

By: Doodhnath Singh

© 2022 Pothi | All Rights Reserved

Do not copy, Please support by sharing!