loader image

nazar-navaaz nazaara badal na jae kaheen

nazar-navaaz nazaara badal na jae kaheen
jara-see baat hai munh se nikal na jae kaheen

vo dekhate hai to lagata hai neenv hilatee hai
mere bayaan ko bandish nigal na jae kaheen

yon mujhako khud pe bahut aitabaar hai lekin
ye barph aanch ke aage pighal na jae kaheen

chale hava to kivaadon ko band kar lena
ye garam raakh sharaaron mein dhal na jae kaheen

tamaam raat tere maikade mein may pee hai
tamaam umr nashe mein nikal na jae kaheen

kabhee machaan pe chadhane kee aarazoo ubharee
kabhee ye dar ki ye seedhee phisal na jae kaheen

ye log homo-havan mein yakeen rakhate hai
chalo yahaan se chalen, haath jal na jae kaheen

968

Add Comment

By: Dushyant Kumar

© 2022 Pothi | All Rights Reserved

Do not copy, Please support by sharing!