mujhe pukaaratee huee pukaar kho gaee kaheen…
pralambita angaar rekh-sa khincha
apaar charm
vaksh praan ka
pukaar kho gaee kaheen bikher asthi ke samooh
jeevanaanubhooti kee gabheer bhoomi mein.
apushp-patr, vakr-shyaam jhaad-jhankhadon-ghire asankhy dhooh
bhagn nishchayon-rundhe vichaar-spapn-bhaav ke
mujhe dikhe
apoort saty kee kshudhit
apoorn yatn kee trshit
apoort jeevanaanubhooti-praanamoorti kee samast bhagnata dikhee
(karaah bhar utha prasaar praan ka ajab)
samast bhagnata dikhee
ki jyon virakt praant mein
udaas-se kisee nagar
satar-patar
maleen, tyakt, zang-lage kathor dher–
bhagn vastu ke samooh
chilachil rahe prachand dhoop mein ujaad…
dikh gae kathor syaah
(ghor dhoop mein) pahaad
kathin-sattv bhaavana napunsaka asangy ke
mujhe dikhee viraat shoonyata ashaant kaanpatee
ki is ujaad praant ke prasaar mein rahee chamak.
raha chamak prasaar…
phaad shyaam-mrttika-staraavaran uthe sakon
prastaree pratapt ang yatr-tatr-sarvatah
ki jyon dhankee vasundhara-shareer kee samast asthiyaan khuleen
raheen chamak ki chilachila rahee vahaan
achet soory kee safed au ujaad dhoop mein.
sameeraheen khaibaree
ashaant ghaatiyon gaee asang raah
shushk paarvateey bhoomi ke utaar au uthaan kee nirarth
uchchata nihaaratee chalee vitrshn drshti se
(ki vyarth uchchata badhir asangy yah)
ujaad vishv kee ki praan kee
isee udaas bhoomi mein achak jaga
mujhe pukaaratee huee pukaar kho gaee kaheen.
daraar pad gaee turat gabheer-deergh
praan kee gahan dhara pratapt ke
aneer shyaam mrttika shareer mein.
ki bhaav svapn-bhaar mein
pukaar ke adheer vyagr sparsh se bilakh uthe
timir-vivir mein padee ashaant naaginee–
chhipee huee trsha
apoort svapn-laalasa
turat dikhee
ki bhool-chook dhavansinee avaavrta huee.
pukaar ne samast khol dee chhipee pravanchana
kaha ki shushk hai athaah yah kuaan
ki andhakaar-antaraal mein lage
maheen shyaam jaal
ghrny keet jo ki jodate deevaal ko deevaal se
va antaraal ko tala
amaanavee kathor eent-pattharon se bhara hua
na neer hai, na peer hai, maleen hai
sada vishoony shushk hee kuaan raha.
viraat jhooth ke anant chhand-see
bhayaavanee ashaant peet dhundh-see
sada agey
gopaneey dvandv-see asang jo apoort svapn-laalasa
praveg mein ude sutikshn baan par
alakshy bhaar-see vrtha
jaga rahee viroop chitr haar ka
sadhe hue nijatv kee abhadr raudr haar-see.
main udaas haath mein
haar kee pratpt ret mal raha
nihaarata hua prachand ushn gol door ke kshitij.
shoony kaksh kee udaas
shvaasaheen, peet-vaayu shaanti mein
divaal par
sachesht chhipakalee
ajaan shabd-shabd jyon kare
ki yon apaar bhaav svapn-bhaar ye
prashaanti gaadh mein
prashaanti gaadh se
pragaadh ho
samast praan kee katha bakhaanate
adheer yantr-veg se ajeeb ekaroop-taan
shabd, shabd, shabd mein.
mujhe pukaaratee huee pukaar kho gaee kaheen…
aaj bhee naveen prerana yahaan
na mar sakee, na jee sakee, parantu vah na dar sakee.
ghanaandhakaar ke kathor vaksh
dansh-chihn-se
gabheer laal bimb praan-jyoti ke
gabheer laal indu-se
sagarv bheem shaanti mein uthe ayaas musakara
ghanaandhakaar ke bhujang-bandh deergh saanvare
vinasht ho gae
prabuddh jvaal mein hataash ho.
vishaal bhavy vaksh se
bahee anant sneh kee mahaan krtimayee vyatha
bahee ashaant praan se mahaan maanavee katha.
kisee ujaad praant ke
vishaal rikt-garbh gumbajon-ghire
vihang jo
adheer pankh phadaphada divaal par
sahaayaheen, baddh-deh, baddh-praan
haarakar na haarate
are, naveen maarg pa khula hua
turant ud gae suneel vyom mein adheer ho.
mujhe pukaaratee huee pukaar kho gaee vaheen
sanvaaratee huee mujhe
uthee sahaas prerana.
prabhaat bhairavee jagee abhee-abhee.