loader image

mujhe kadam-kadam par

mujhe kadam-kadam par
chauraahe milate hain
baanhen phailae!
ek pair rakhata hoon
ki sau raahen phootateen,
main un sab par se gujarana chaahata hoon,
bahut achchhe lagate hain
unake tajurbe aur apane sapane….
sab sachche lagate hain,
ajeeb-see akulaahat dil mein ubharatee hai,
main kuchh gahare mein utarana chaahata hoon,
jaane kya mil jae!

mujhe bhram hota hai ki pratyek patthar mein
chamakata heera hai,
har ek chhaatee mein aatma adheera hai
pratyek sasmit mein vimal sadaaneera hai,
mujhe bhram hota hai ki pratyek vaanee mein
mahaakaavy peeda hai,
palabhar mein main sabamen se gujarana chaahata hoon,
is tarah khud ko hee die-die phirata hoon,
ajeeb hai jindagee!
bevakooph banane kee khaatir hee
sab taraph apane ko lie-lie phirata hoon,
aur yah dekh-dekh bada maja aata hai
ki main thaga jaata hoon…
hrday mein mere hee,
prasannachitt ek moorkh baitha hai
hans-hansakar ashrupoorn, matt hua jaata hai,
ki jagat…. svaayatt hua jaata hai.
kahaaniyaan lekar aur
mujhako kuchh dekar ye chauraahe phailate
jahaan jara khade hokar
baaten kuchh karata hoon
…. upanyaas mil jaate.

726

Add Comment

© 2022 Pothi | All Rights Reserved

Do not copy, Please support by sharing!