dillee ! tiree chhaanv badee qaharee
miree pooree kaaya pighal rahee
mujhe gale laga kar galee-galee
dheere se kahe” too kaun hai ree?”
main kaun hoon maan tiree jaee hoon
par bhes nae se aaee hoon
main ramatee pahunchee apanon tak
par preet paraee laee hoon
taareekh kee ghor guphaon mein
shaayad pae pahachaan miree
tha beej mein des ka pyaar ghula
parades mein kya kya bel chadhee
nas-nas mein lahoo to tera hai
par aansoo mere apane hain
honton par rahee tiree bolee
par nain mein sindh ke sapane hain
man maatee jamuna ghaat kee thee
par samajh zara us kee dhadakan
is mein kaaroonjhar kee sisakee
is mein ho ke daalata chalatan !
tire aangan meetha kuaan hanse
kya phal pae mira man rogee
ik reet nagar se moh mira
basate hain jahaan pyaase jogee
tira mujh se kokh ka naata hai
mire man kee peeda jaan zara
vo roop dikhaoon tujhe kaise
jis par sab tan man vaar diya
kya geet hain vo koh-yaaron ke
kya ghail un kee baanee hai
kya laaj rangee vo phatee chaadar
jo tharkee tapat ne taanee hai
vo ghaav-ghaav tan un ke
par nas-nas mein agnee dahakee
vo baat ghiree sangeenon se
aur jhapat shikaaree kutton kee
hain jin ke haath par angaare
main un banjaaron kee cheeree
maan un ke aage kos kade
aur sar pe kadakatee do-paharee
main bandee baandhoon kee baandee
vo bandee-khaane todenge
hai jin haathon mein haath diya
so saaree salaakhen modenge
too sada suhaagan ho, maan ree !
mujhe apanee tod nibhaana hai
ree dillee chhoo kar charan tire
mujh ko vaapas mud jaana hai .