loader image

ek raat kee kahaani

badee suhaanee-see raat thee vo
hava mein anajaanee khoee-khoee mahak rachee thee
bahaar kee khushagavaar hiddat se raat gulanaar ho rahee thee
rupahale sapane se aasamaan par sahaab ban kar bikhar gae the

aur aisee ik raat ek aangan mein koee ladakee khadee huee thee
khamosh tanha
vo apanee naazuk haseen sochon ke shahar mein kho ke rah gaee thee
dhanak ke sab rang us kee aankhon mein bhar gae the
vo aisee hee raat thee ki raahon mein us kee motee bikhar gae the

hazaar achhoote kunvaare sapane
nazar mein us kee chamak rahe the
shareer-see raat us ko chupake se vo kahaanee suna rahee thee
ki aaj
vo apanee choodiyon kee khanak se sharamaee ja rahee thee

742

Add Comment

By: Fahmida Riaz

© 2021 Pothi | All Rights Reserved

Do not copy, Please support by sharing!