loader image

kavita – a poem by Kunwar Narayan

kavita vaktavy nahin gavaah hai
kabhee hamaare saamane
kabhee hamase pahale
kabhee hamaare baad

koee chaahe bhee to rok nahin sakata
bhaasha mein usaka bayaan
jisaka poora matalab hai sachaee
jisaka pooree koshish hai behatar insaan

use koee hadabadee nahin
ki vah ishtahaaron kee tarah chipake
julooson kee tarah nikale
naaron kee tarah lage
aur chunaavon kee tarah jeete

vah aadamee kee bhaasha mein
kaheen kisee tarah zinda rahe, bas

821

Add Comment

By: Kunwar Narayan

© 2022 Pothi | All Rights Reserved

Do not copy, Please support by sharing!