sabase khataranaak – a poem by Pash

mehanat kee loot sabase khataranaak nahin hotee
pulis kee maar sabase khataranaak nahin hotee
gaddaaree aur lobh kee mutthee sabase khataranaak nahin hotee
baithe-bithae pakade jaana bura to hai
sahamee-see chup mein jakade jaana bura to hai
sabase khataranaak nahin hota
kapat ke shor mein sahee hote hue bhee dab jaana bura to hai
juganuon kee lau mein padhana
mutthiyaan bheenchakar bas vak‍ta nikaal lena bura to hai
sabase khataranaak nahin hota

sabase khataranaak hota hai murda shaanti se bhar jaana
tadap ka na hona
sab kuchh sahan kar jaana
ghar se nikalana kaam par
aur kaam se lautakar ghar aana
sabase khataranaak hota hai
hamaare sapanon ka mar jaana
sabase khataranaak vo ghadee hotee hai
aapakee kalaee par chalatee huee bhee jo
aapakee nazar mein rukee hotee hai

sabase khataranaak vo aankh hotee hai
jisakee nazar duniya ko mohab‍bat se choomana bhool jaatee hai
aur jo ek ghatiya doharaav ke kram mein kho jaatee hai
sabase khataranaak vo geet hota hai
jo marasie kee tarah padha jaata hai
aatankit logon ke daravaazon par
gundon kee tarah akadata hai
sabase khataranaak vo chaand hota hai
jo har hat‍yaakaand ke baad
veeraan hue aangan mein chadhata hai
lekin aapakee aankhon mein
mirchon kee tarah nahin padata

sabase khataranaak vo disha hotee hai
jisamen aat‍ma ka sooraj doob jae
aur jisakee murda dhoop ka koee tukada
aapake jis‍ma ke poorab mein chubh jae

mehanat kee loot sabase khataranaak nahin hotee
pulis kee maar sabase khataranaak nahin hotee
gaddaaree aur lobh kee mutthee sabase khataranaak nahin hotee.