loader image

ek pita – a poem by Kabin Phukan

ghupp andhere mein
jangal kee raah
roke khada tha phan phailae
ek saanp

drut gati se
laut raha tha ghar ko
usee raah se
bechaara kenhooraam
aur…
vo tha ek adiyal saanp
donon kuchh der rahe bekhabar
ek doosare se

ve nahin jaanate
yahee hai jatu-grh
na samajhate hain
phaansee-baazaar ke
andhakaar ka kolaahal,
anajaan hain naagaasaaki-se dhvans
ke dar se, aur
pampiya kee pralay-katha se bhee

dushchinta-grast ho mainne hee
dekha ho duhsvapn shaayad
ab isee oohaapoh mein
him-sheetal maidaan mein
ho panchhiyon ka kalarav
ya vajraaghaat
meree bas yahee kaamana hai
sab kushal-mangal rahe!

963

Add Comment

By: Kabin Phukan

© 2022 Pothi | All Rights Reserved

Do not copy, Please support by sharing!