loader image

ishq kee maar badee dardeelee, ishq mein jee na phansaana jee

ishq kee maar badee dardeelee, ishq mein jee na phansaana jee
sab kuchh karana ishq na karana, ishq se jaan bachaana jee

vaqt na dekhe, umr na dekhe, jab chaahe majaboor kare
maut aur ishq ke aage logo, koee chale na bahaana jee

ishq kee thokar, maut kee hichakee, donon ka hai ek asar
ek kare ghar ghar rusavaee, ek kare afasaana jee

ishq kee nemat phir bhee yaaro, har nemat par bhaaree hai
ishq kee teesen den khuda kee, ishq se kya ghabaraana jee

ishq kee nazaron mein sab yakasaan, kaaba kya butakhaana kya
ishq mein duniya ukbaan kya hai, kya apana begaana jee

raah kathin hai pee ke nagar kee, aag pe chal kar jaana hai
ishq hai seedhee pee ke milan kee, jo chaahe to nibhaana jee

tarz bahut din jhel chuke tum, duniya kee zanjeeron ko
tod ke pinjara ab to tumhen hai des piya ke jaana jee

Add Comment

By: Ganesh Bihari Tarz

© 2023 Pothi | All Rights Reserved

Do not copy, Please support by sharing!