loader image

silasila – a poem by Dhumil

hava garam hai
aur dhamaaka ek halakee-see ragad ka
intazaar kar raha hai
kathuaaye hue cheharon kee raunak
vaapas laane ke lie
utho aur hariyaalee par hamala karo
jadon se kaho ki andhere mein
behisaab daudane ke bajaay
pedon kee taraphadaaree ke lie
zameen se baahar nikal pade
bina is dar ke ki jangal
sookh jaega
yah sahee hai ki naaron ko
nayee shaakh nahin milegee
aur na aara masheen ko
neend kee phurasat
lekin yah tumhaare hak mein hain
isase itana to hoga hee
ki rukhaanee kee maamoolee-see gavaahee par
tum daravaaze ko apana daravaaza
aur mez ko
apanee mej kah sakoge.

silasila

639

Add Comment

© 2022 Pothi | All Rights Reserved

Do not copy, Please support by sharing!