loader image

bhool-galatee – a poem by Muktibodh

bhool-galatee
aaj baithee hai zirahabakhtar pahanakar
takht par dil ke,
chamakate hain khade hathiyaar usake door tak,
aankhen chilakatee hain nukeele tej patthar see,
khadee hain sir jhukae
sab kataaren
bejubaan bebas salaam mein,
anaginat khambhon va meharaabon-thame
darabaare aam mein.

saamane
bechain ghaavon kee azab tirachhee lakeeron se kata
chehara
ki jis par kaanp
dil kee bhaap uthatee hai…
pahane hathakadee vah ek ooncha kad
samooche jism par lattar
jhalakate laal lambe daag
bahate khoon ke
vah qaid kar laaya gaya eemaan…
sulataanee nigaahon mein nigaahen daalata,
bekhauph neelee bijaliyon ko phainkata
khaamosh !!
sab khaamosh
manasabadaar
shair aur soofee,
al gajaalee, ibne sinna, alabaroonee
aalimo phaajil sipahasaalaar, sab saradaar
hain khaamosh !!

naamanjoor
usako jindagee kee sharm kee see shart
naamanjoor hath inakaar ka sir taan..khud-mukhtaar
koee sochata us vakt-
chhaaye ja rahe hain saltanat par ghane saaye syaah,
sulataanee jirahabakhtar bana hai sirph mittee ka,
vo-ret ka-sa dher-shaahanshaah,
shaahee dhaak ka ab sirph sannaata !!
(lekin, na
jamaana saanp ka kaata)
bhool (aalamageer)
meree aapakee kamajoriyon ke syaah
lohe ka jirahabakhtar pahan, khoonkhaar
haan khoonkhaar aaleejaah,
vo aankhen sachaee kee nikaale daalata,
sab bastiyaan dil kee ujaade daalata
karata hame vah gher
bebuniyaad, besir-pair..
ham sab qaid hain usake chamakate taamajhaam mein
shaahee mukaam mein !!

itane mein hameen mein se
ajeeb karaah sa koee nikal bhaaga
bhare darabaare-aam mein main bhee
sanbhal jaaga
kataaron mein khade khudagarj-ba-hathiyaar
bakhtaraband samajhaute
sahamakar, rah gae,
dil mein alag jabada, alag daadhee lie,
dumunhepan ke sau tazurbon kee buzurgee se bhare,
dadhiyal sipahasaalaar sanjeeda
sahamakar rah gaye !!

lekin, udhar us or,
koee, burz ke us taraf ja pahuncha,
andheree ghaatiyon ke gol teelon, ghane pedon mein
kaheen par kho gaya,
mahasoos hota hai ki yah benaam
bemaaloom darron ke ilaaqe mein
(sachaee ke sunahale tez akson ke dhundhalake mein)
muhaiya kar raha lashkar;
hamaaree haar ka badala chukaane aayaga
sankalp-dharma chetana ka raktaplaavit svar,
hamaare hee hrday ka gupt svarnaakshar
prakat hokar vikat ho jaayaga !!

858

Add Comment

© 2021 Pothi | All Rights Reserved

Do not copy, Please support by sharing!