ham bachche hain to kya?
ham hindostaan badalakar chhodenge!
insaan hai kya, ham
duniya ka bhagavaan badalakar chhodenge!
mushkilen hamaaree daasee hain,
aandhee-toophaan khilaune hain,
bhoochaal hamaare bigul,
barph se dhake pahaad bichhaune hain!
ham naee kraanti ke doot,
puraane gaan badalakar chhodenge!
ham dekh rahe hain bhookh
ug rahee hai galiyon-baajaaron mein,
hai kaid aadamee kee kismat
chaandee kee kuchh deevaaron mein!
khud mit jaenge,
ya yah sab saamaan badalakar chhodenge!
ham unhen chaand denge
jinke ghar nahin sitaare jaate hain,
ham unhen hansee denge
jinke ghar phool nahin hans paate hain!
gar yah na hua to
sachamuch teer-kamaan badalakar chhodenge!