loader image

tamaam umr tira intizaar ham ne kiya

tamaam umr tira intizaar ham ne kiya
is intizaar mein kis kis se pyaar ham ne kiya

talaash-e-dost ko ik umr chaahie ai dost
ki ek umr tira intizaar ham ne kiya

tere khayaal mein dil shaadamaan raha barason
tire huzoor use sogavaar ham ne kiya

ye tishnagee hai ke un se qareeb rah kar bhee
hafeez yaad unhen baar baar ham ne kiya

1

Add Comment

By: Hafeez Hoshiarpuri

© 2022 Pothi | All Rights Reserved

Do not copy, Please support by sharing!